تورتة التونة حفيفة وحلوة قوى فى العزومات والخروجات
 |
| تورتة التونة |
تورتة التونة من الوجبات السهله وسريعه التحضير وصحية تمام
تورتة التونة حلوة وخفيفة في الخروجات والسندوتشات والعزومات ناتي لطريقة التحضير
اولا المقادير علبة تونة او اتنين حسب الكمية المرغوبة
عيش توست نقطع حروفه بشكل متساوى
خس مقطع صغير
بصل اخضر او عادي مقطع صغير
معلقة كبيرة مايونيز(او حسب الرغبة)
ممكن فلفل حامي مقطع صغير للي يحب الحار
معلقة مسطردة
جبن للحشو اى انواع محببة واعشاب شبت وبقدونس مقطع
للتزيين:
فلفل الوانطماطم اشكال حسب الزوق
كريمة طهى مضروبة حتى يغلظ قوامه قليل مع كوب اى نوع جبن كاسات بنحبة
التحضير:
اول حاجة هنجيب التونة نصفيها مالزيت كويس ونضيف عليها البصل والخس ومعلقة مايونيز ومعلقة المسطردة وجبن والاعشاب زودوا وقللوا زي ماتحبوا فى الحشوةهاتي اي صينية او قالب مدور او مستطيل حسب ماتحبي
لو بيتفك من تحت زي بتاع التشيز كيك يبقي تمام لو مفيش يبقي هنفرش بلاستيك فل ونطلع حروفه لبره عشان نشد منه التورتة في الاخر
اول حاجة هنقطع حروف التوست ونبطن بيها القالب يعني نرص شرايح التوست جنب بعض ونلزقها فبعض كدة وندهنها طبقة مايونيز ومسحة مسطردة خفيفة
ونحط نص مقدار خليط التونة وجبن فريكو والخضوروات ونرص طبقة توست كمان ونمسحها بمسحة مايونيز ونحط بقية مقدار التونة ونضيف اخررر طبقة توست وندخلها التلاجة بقي نص ساعة عشان التوست يتماسك ويبقي تمام
في الاخر نطلعها من القالب باننا نشد البلاستيك فل بالراحة علي برة او نفك الصينية من تحت لو بتتفك وندهن التورتة بكريمة الطهى كويس زي اي تورتة بعد ما نضربها مع الجبن الكريمى الكاسات ونزينها زي مانحب وندخلها الثلاجة تانى تشد شوية وتمسك عليها الكريمة ونطلعها نزينها حسب الزوق والرغبة وبالهنا والشفا
تعليقات
إرسال تعليق